ลหุกํ อาปตฺตึ อาปชฺชติ เอกสฺส สนฺติเก เทสนาวตฺถุกนฺติ ยํ วจนํ ตํ มิจฺฉา ฯ
ยทิ ตถาคเตน ภณิตํ สมฺปชานมุสาวาเท ลหุกํ อาปตฺตึ อาปชฺชติ เอกสฺส สนฺติเก
เทสนาวตฺถุกนฺติ เตนหิ สมฺปชานมุสาวาเท ปาราชิโก โหตีติ ยํ วจนํ ตมฺปิ มิจฺฉา ฯ
อยํปิ อุภโต โกฏิโก ปญฺโห ตวานุปฺปตฺโต โส ตยา นิพฺพาหิตพฺโพติ ฯ
ภาสิตมฺปิ เจตํ มหาราช ภควตา สมฺปชานมุสาวาเท ปาราชิโก โหตีติ ฯ
ภณิตญฺจ สมฺปชานมุสาวาเท ลหุกาปตฺตึ อาปชฺชติ เอกสฺส สนฺติเก เทสนาวตฺถุกนฺติ ตญฺจ
ปน วตฺถุกวเสน ครุกลหุกํ โหติ ตํ กึ มญฺญสิ มหาราช อิธ โกจิ ปุริโส อญฺญตรสฺส
ปุริสสฺส ปาณินา ปหารํ ทเทยฺย ตสฺส ปน ตุมฺเห กึ ทณฺฑํ ธาเรถาติ ฯ ยทิ
ภนฺเต นาคเสน โส อาหโต น ขมติ ตสฺส มยํ อกฺขมเน กาปณปรมํ ทณฺฑํ
ปาเปยฺยามาติ ฯ ยทิ ปน มหาราช โสเยว ปุริโส ตว ปาณินา ปหารํ ทเทยฺย ตสฺส
ปน กึ ทณฺโฑติ ฯ หตฺถปาทํปิสฺส ภนฺเต นาคเสน ฉินฺทาเปยฺยาม ยาว สีสํ กฬีรจฺเฉทา
ฉินฺทาเปยฺยาม สพฺพเคหํ วิลุมฺปาเปยฺยาม อุภโตปกฺเข ยาว สตฺตมกุลา ปาเปยฺยาม
อุคฺฆฏาเปยฺยามาติ ฯ โก ปเนตฺถ มหาราช วิเสโส กึ นานากรณํ ยํ เอกสฺส ปาณินา
ปหาเร สุขุโม กหาปโณ ทณฺโฑ ยญฺจ ตว ปาณินา ปหาเร หตฺถปาทจฺเฉทํ
ยาว สีสํ กฬีรจฺเฉทาปนา สพฺพเคหํ วิลุมปาปนํ อภุโตปกฺเข ยาว สตฺตมกุลา
สมุคฺฆาโฏติ ฯ วตฺถุวเสน ภนฺเตติ ฯ เอวเมว โข มหาราช สมฺปชานมุสาวาเท วตฺถุวเสน
ครุกลหุกํ โหตีติ ฯ สาธุ ภนฺเต นาคเสน เอวเมว โข ตํ ตถา สมฺปฏิจฺฉามีติ ฯ

มุสาวาทครุลหุภาวปญฺโห อฏฺฐโม ฯ

ภนฺเต นาคเสน ภาสิตํ ภควตา อหมสฺมิ ภิกฺขเว พฺราหฺมโณ ยาจโยโค สสตํ
ปยตปาณิ อนฺติมเทหธโร อนุตฺตดรติ ฯ ปุน จ ภณิตํ เอตทคฺคํ ภิกฺขเว มม สาวกานํ
ภิกฺขูนํ อปฺปาพาธานํ ยทิทํ พากุโลติ ฯ ภควโต จ สรีเร พหุกฺขตฺตุํ อาพาโธ อุปฺปนฺโน
ทิสฺสติ ฯ ยทิ ภนฺเต นาคเสน ตถาคโต อนุตฺตโร อโหสิ เตนหิ เอตทคฺคํ ภิกฺขเว
มม สาวกานํ ภิกฺขูนํ อปฺปาพาธานํ ยทิทํ พากุโลติ ยํ วจนํ ตํ มิจฺฉา ฯ ยทิ พากุโล
อปฺปาพาโธ อโหสิ เตนหิ ตถาคโต อนุตฺตโรติ ยํ วจนํ ตํ มิจฺฉา ฯ อยํปิ อุภ
โต โกฏิโก ปญฺโห ตวานุปฺปตฺโต โส ตยา นิพฺพาหิตพฺโพติ ฯ
ภาสิตมฺปิ เจตํ มหาราช ภควตา อหมสฺมิ ภิกฺขเว พฺราหฺมโณ ยาจโยโค